ანხელ დი მარია ბრუნდება იქ, სადაც მისი ევროპული კარიერა დაიწყო.

ლისაბონის "ბენფიკამ" ოფიციალურად დაადასტურა, რომ 35 წლის გარემარბი კვლავ "არწივების" მაისურს მოირგებს.

არგენტინელი პორტუგალიური კლუბის ღირსებას 2007-2010 წლებში იცავდა. იქიდან მან მადრიდის "რეალს" მიაშურა, სადაც 4 სეზონი გაატარა. "ბენფიკაში" ფიდეოს 76 მატჩი აქვს ნათამაშები. მან 7 გოლი გაიტანა და ერთხელ პორტუგალიის ჩემპიონიც გახდა.

ანხელი "და ლუჟზე" თავისუფალი აგენტის სტატუსით მიდის. ბოლო სეზონში იგი ტურინის "იუვენტუსში" ასპარეზობდა.

გასულ სეზონში დი მარიამ 40 მატჩში მიიღო მონაწილეობა, 8 გოლი შეაგდო და ამას 7 საგოლე გადაცემა დაუმატა.