13-08-2023
ხვიჩა ათეულში მოხვდა - რამდენი პროცენტით ფასდება კვარას საოქროსბურთე შანსები
Author of the article
როგორც ყოველთვის, ფეხბურთის ქომაგები მოუთმენლად ელიან, თუ ვინ დაეუფლება ოქროს ბურთს.
SkyBet-მა ყველაზე პრესტიჟული ინდივიდუალური ჯილდოს მოგების კანდიდატთა სია შემოგვთავაზა.
ბუკმეიკერულმა ვებსაიტმა გამარჯვების ყველაზე დიდი შანსი ლიონელ მესის მიანიჭა. "ინტერ მაიამის" მეგავარსკვლავის ტრიუმფის ალბათობა 48%-ით ფასდება.
მეორე ადგილზე "მანჩესტერ სიტის" ნორვეგიელი სუპერფორვარდი, ერლინგ ჰოლანდია, 40%-ით.
ქართველი გულშემატკივრებისთვის ყველაზე სასიხარულო ის უნდა იყოს, რომ ნომინანტთა სიაშია ხვიჩა კვარაცხელიაც. "ნაპოლის" 77-ე ნომერს 1% არგუნეს.
საუკეთესო ათეული შემდეგნაირად გამოიყურება:
- ლეო მესი - 48%
- ერლინგ ჰოლანდი - 40%
- კევინ დე ბრუინი - 2%
- ვინისიუსი - 2%
- კილიან მბაპე - 2%
- ქარიმ ბენზემა - 1%
- ხვიჩა კვარაცხელია - 1%
- მარკუს რაშფორდი - 1%
- ლაუტარო მარტინესი - 1%
- ჰარი კეინი - 1%
2023 წლის ოქროს ბურთის დაჯილდოების ცერემონიალს პარიზში მდებარე შატელეტის თეატრი 30 ოქტომბერს უმასპინძლებს.
ტეგები:
Facebook კომენტარები