რამდენიმე დღის წინ დადასტურდა, რომ მოსკოვის "ლოკომოტივის" 23 წლის ნახევარმცველი კონსტანტინე მარადაშვილი საქართველოს ნაკრებში ითამაშებს.

ამ სიახლეს ცნობილი რუსი კომენტატორი, ალექსი ანდრონოვი გამოეხმაურა.

"ყველაფერი სრულიად ლოგიკურად და მოსალოდნელად მიდის. ამაზე 1 წლის წინ ვლაპარაკობდი. შემდეგი ალბათ ზახარიანია.

დრო გადის, ჩვენ კი ვერავის ვაკავებთ.

საინტერესოა, რომ "ლოკომოტივმა" მოსკოვის "ცსკა-დან" ორი რუსი იყიდა, მაგრამ ხელთ ქართველი და სომეხი შერჩა," - თქვა ანდრონოვმა.

შეგახსენებთ, რომ არსენ ზახარიანი, რომელიც კომენტატორმა ტელეგრამზე გამოქვეყნებულ პოსტში ახსენა, მოსკოვის "დინამოდან" "რეალ სოსიედადში" გადადის.