CalcioNapoli24-მა ბათუმის "დინამოს" პრეზიდენტთან, არჩილ ბერიძესთან ვრცელი ინტერვიუ ჩაწერა.

აჭარული კლუბის მმართველმა საკმაოდ საინტერესო საკითხებზე ილაპარაკა. ცხადია, საუბარი შეეხო "ნაპოლის" ქართველ გარემარბს, ხვიჩა კვარაცხელიასაც.

"აურელიო დე ლაურენტისს ვეტყვი, რომ მან ხვიჩას სახით ძალიან მაღალი დონის ფეხბურთელი შეიძინა, რაც საკმაოდ სწორი გადაწყვეტილება იყო.

ვფიქრობ, ხვიჩა კვარაცხელიას საიდუმლო ისაა, რომ ის უდიდესი პროფესიონალია და, გარდა ამისა, განგებისგან მომადლებულ ნიჭს შესანიშნავად იყენებს.

ბათუმში ყველას უნდა, რომ "ნაპოლისთან" ერთი ამხანაგური მატჩი გავმართოთ და ამისთვის ყველაფერს გავაკეთებთ," - განაცხადა ბერიძემ.

შეგახსენებთ, რომ ხვიჩა იტალიურ კლუბში სწორედ "დინამოდან" აღმოჩნდა. ნეაპოლელებმა კვარაცხელიაში 10 მილიონი ევრო გადაიხადეს.