ბრაზილიური "პალმეირასის" აწ უკვე ყოფილი შემტევი, გაბრიელ ჟესუსი ამიერიდან კარიერას მანჩესტერ "სიტიში" გააგრძელებს. მოგეხსენებათ, აღნიშნული ტრანსფერი გასული წლის ზაფხულში დადასტურდა, თუმცა ფეხბურთელი ბრიტანულ გუნდს მხოლოდ ახლაღა შეუერთდა და გააფორმა კონტრაქტი.

"მსურს, რომ მოვიგო ტიტულები "სიტის" მაისურით. ეს არის კლუბი, რომელიც ყველა იმ ტურნირის მოსაგებად იბრძვის, რომელშიც მონაწილეობას იღებს."

"ჩემთვის დიდი პატივია, რომ ასეთი დიდი ფეხბურთელებისა და მთავარი მწვრთნელის გვერდით მომიწევს მუშაობა." - განაცხადა 19 წლის ბრაზილიელმა.

გაბრიელ ჟესუსი მანჩესტერ "სიტის" შემადგენლობაში 33 ნომრიანი მაისურით იასპარეზებს. "ქალაქელებმა" ფეხბურთელის სანაცვლოდ 36 მილიონი დოლარი გადაიხადეს.