სუარესი კოპა ამერიკას გამოტოვებს?

23-05-2016, 21:24

მოგეხსენებათ, გუშინ, ესპანეთის თასის ფინალურ შეხვედრაში, ურუგვაელი ფეხბურთელი დაშავდა და მოედნის დატოვებამ ნაადრევად მოუწია. ეს უსიამოვნო მომენტი მატჩის 57-ე წუთზე მოხდა. ერთი შეხედვით, სერიოზული არაფერი მომხდარა, თუმცა ლუის სუარესმა თამაშის გაგრძელება ვერ შეძლო. ლუის ენრიკეს განცხადებით, ურუგვაელ თავდამსხმელს დაზიანება ბარძაყის არეში აღენიშნება. თუმცა, სანამ ექიმები მის ჯანმრთელობის მდგომარეობას სრულად შეისწავლიან, დასკვნის გამოტანა რთული იქნება. "უნდა დაველოდოთ ტესტის შედეგებს. იმედი მაქვს, სერიოზული არაფერია", - წერს სუარესი "თვითერის" გვერდზე. შეგახსენებთ, სულ ცოტა ხნის წინ ვადა გაუვიდა სუარესის ორწლიან სანაკრებო დისკვალიფიკაციას, რის გამოც მან მსოფლიოს 2014 წლის ჩემპიონატის გარკვეული ნაწილი გამოტოვა. თუმცა, ახლა მისი კოპა ამერიკაზე მონაწილეობა კითხვის ნიშნის ქვეშ დგას.



კომენტარის დასამატებლად გთხოვთ გაიაროთ რეგისტრაცია.

ქართული ამბები

საქართველოს ეროვნული ნაკრების ღირებულება 3 მილიონით შემცირდა

პროგნოზები

დაგვიმეგობრდით