თბილისის "დინამო" კიდევ ორმა ფეხბურთელმა დატოვა

31-08-2017, 17:19

თბილისის "დინამო" ახალგაზრდა ფეხბურთელებმა, ლუკა ლოჩოშილმა და გიორგი ჩაკვეტაძემ დატოვეს. აღნიშნულ ინფორმაციას კლუბის ოფიციალური საიტი ადასტურებს.

როგორც იცით, ჩაკვეტაძის შეძენით რამდენიმე ევროპული გრანდი ინტერესდებოდა. საბოლოოდ ფეხბურთელმა არჩევანი ბელგიაზე შეაჩერა და ამიერიდან 18 წლის ნახევარმცველი "გენტის" ღირსებას დაიცავს. თბილისელებმა აღნიშნული ტრანსფერით 1.5 მილიონი ევრო იხეირეს. ფეხბურთელმა კი კონტრაქტს 2020 წლამდე მოაწერა ხელი.

რაც შეეხება ლოჩოშილს, იგი კარიერას კიევის "დინამოში" გააგრძელებს. როგორც ცნობილია, თბილისელებმა მის სანაცვლოდ 300'000 დოლარი მიიღეს. ტრანსფერის სხვა დეტალები ამ დროისთვის უცნობია.

"ჩვენი გუნდის ორი ნიჭიერი ახალგაზრდა ფეხბურთელი, დინამოს აკადემიის აღზრდილები - ლუკა ლოჩოშილი და გიორგი ჩაკვეტაძე კარიერას უცხოეთში გააგრძელებენ. ლუკა ლოჩოშვილი უკრაინაში იმყოფება და კონტრაქტი იქაური ფეხბურთის გრანდთან, კიევის დინამოსთან გააფორმა. მოგეხსენებათ, რომ ლუკას ტრავმა აწუხებდა და თბილისში დაწყებულ სარეაბილიტაციო პროცესს კიევში გააგრძელებს. გიორგი ჩაკვეტაძემ კი კონტრაქტი ბელგიურ გენტთან გააფორმა და გუნდს ახალგაზრდული სანაკრებო თამაშების შემდეგ შეუერთდება. ჩვენი კლუბი სატრანსფერო სარგებელის გარდა მომავალში ამ ფეხბურთელების გასხვისებიდანაც მიიღებს დივიდენდებს. დინამო თბილისი მადლობას უხდის ლოჩოშვილსა და ჩაკვეტაძეს და იმედოვნებს, რომ ისინი გაამართლებენ მათზე გაცემულ იმედებსა და ავანსებს, რითაც დინამოს აკადემიას და მთლიანად ჩვენს ქვეყანას ასახელებენ." - წერია თბილისის "დინამოს" ოფიციალურ განცხადებაში.



  • tsandro
  • 31 აგვისტო 2017 17:20
ამდენი ფული შესდით და იმედია მოიყვანენ ვინმე წესიერს

კომენტარის დასამატებლად გთხოვთ გაიაროთ რეგისტრაცია.

ქართული ამბები

დაგვიმეგობრდით