დორტმუნდის "ბორუსია" ჩემპიონთა ლიგის მერვედფინალური ეტაპის პირველ მატჩს ხვალ ჩაატარებს და "პსვ ეინდჰოვენს" სტუმრად დაუპირისპირდება.
მატჩისწინა პრესკონფერენციაზე "შავ-ყვითლების" თავკაცმა ედინ ტერზიჩმა ჟურნალისტების შეკითხვებს უპასუხა. როგორც ახალგაზრდა სპეციალისტის განცხადებებიდან ვიგებთ, გერმანელები საქმეს სრული სერიოზულობით მოეკიდებიან.
"აქ გასართობად არ ვართ. შემდეგ ეტაპზე გვინდა გასვლა.
"პსვ-ს" უდიდეს პატივს ვცემთ. ეს გუნდი საკუთარ ძალებში ბოლომდეა დარწმუნებული.
დონიელ მალენი? გუშინ და დღეს იგი თავს გაცილებით უკეთ გრძნობდა. ის სავარჯიშო მოედანზე მალე შემოგვიერთდება და ხვალინდელ მსუბუქ ვარჯიშშიც მიიღებს მონაწილეობს," - თქვა ტერზიჩმა.
შეგახსენებთ, რომ მალენი "დორტმუნდმა" სწორედ "ფილიპს არენადან" დაიმატა. 2021 წელს გერმანელებმა ნიდერლანდურ კლუბს 30 მილიონი ევრო გადაუხადეს.
"პსვ-სა" და "ბორუსიას" ხვალინდელი ჯახი თბილისის დროით 23:55 საათზე დაიწყება.