ცარუკიანი ასახელებს კონკრეტულ მიზეზს, რატომაც თოფურიას მასთან ბრძოლა არ სურს

UFC-ის მსუბუქ წონაში გამომსვლელმა არმან ცარუკიანმა ილია თოფურიას შესახებ მორიგი განცხადება გააკეთა. სომეხი მებრძოლის თქმით, ქართველი პედი პიმბლეტთან დაპირისპირებას ამჯობინებს, რადგან ეს უფრო მარტივი და ფინანსურად სარფიანი ვარიანტია.

„პიმბლეტი ილიასთვის ბევრად იოლი მეტოქეა, ვიდრე მე. სწორედ ამიტომ აირჩევს ნაკლებად რთულ გზას და არა ჩემს წინააღმდეგ ბრძოლას. გულწრფელად რომ გითხრათ, მის ადგილას შესაძლოა მეც ასე მოვქცეულიყავი,“ – განაცხადა ცარუკიანმა.

ცარუკიანსა და თოფურიას შორის დაძაბულობა ბოლო პერიოდში გამწვავდა. ილიამ ერთ-ერთ ინტერვიუში აღნიშნა, რომ არმანთან ჩხუბზე მეტად ქამრის ვაკანტურად დატოვება ურჩევნია. მიზეზად კი ის დაასახელა, რომ ცარუკიანმა კარიერის უმნიშვნელოვანესი ბრძოლა — ისლამ მახაჩევთან, თავადვე ჩაშალა მცირე ტრავმის გამო.