• 13-05-2022
    მამარდაშვილის შესანიშნავი სეზონი ფასდება! - რა გადაწყვეტილება მიიღეს "ვალენსიაში"
    მამარდაშვილის შესანიშნავი სეზონი ფასდება! - რა გადაწყვეტილება მიიღეს "ვალენსიაში"

    ესპანურმა გამოცემა AS-მა "ვალენსიას" და კონკრეტულად მის ქართველ მეკარე გიორგი მამარდაშვილს მცირე სტატია მიუძღვნა.


    "ვალენსიას" მიმდინარე სეზონში აშკარა ჩავარდნა აქვს. კლუბმა ბოლოს თასის ფინალიც წააგო, თუმცა ამ სეზონის მთავარია აღმოჩენა და ვარსკვლავი გიორგი მამარდაშვილია, რომელიც გუნდმა სულ რაღაც 850 000 ევროდ შეიძინა და დღეს იგი გუნდის მომავლად ითვლება.


    "ღამურებმა" მეკარესთან და მის აგენტთან კონტრაქტის გახანგრძლივებაზე საუბარი დაიწყეს. აუცილებლად გაიზრდება მისი გამოსასყიდი თანხა და ხელფასი.


    გუნდს 30 მილიონზე მეტად მხოლოდ 6 მოთამაშე ჰყავს გაყიდული და შესაძლოა, მათ შორის ქართველიც აღმოჩნდეს. ყველაფერი რამდენიმე კვირაში გადაწყდება. მთავარი ის არის, რომ მამარდაშვილს "ვალენსიაში" დარჩენა სურს", - წერს გამოცემა.


    როგორც მოგეხსენებათ, ქართველი მეკარე "ღამურებში" თბილისის "დინამოდან" მოხვდა. მას "ვალენსიას" მეორე გუნდში უნდა ეთამაშა, თუმცა ძირითადი გუნდის მეკარეების ტრავმების გამო, შანსი მიეცა, რომელიც შესანიშნავად გამოიყენა.

    Facebook კომენტარები