VIDEO: "ფიზიკური შეურაცხყოფა ოპერატორს" - რა გააკეთა დე ლაურენტისმა "ბარსასთან" მატჩამდე

კატალონიის "ბარსელონასა" და "ნაპოლის" მატჩის წინ "პარტენოპეის" პრეზიდენტს, აურელიო დე ლაურენტისს ჟურნალისტებთან კონფლიქტი მოუვიდა.

კერძოდ, იტალიელი იმ ფაქტმა, რომ მატეო პოლიტანო ტელეკომპანია "DAZN"-სთან ინტერვიუს წერდა, ძალიან გააბრაზა.

აურელიოს ნათქვამი ჰქონდა, რომ ნეაპოლელთა მოთამაშეებს ინტერვიუ მხოლოდ ჯანლუკა დი მარციოსთვის უნდა მიეცათ, რომელიც "SkySport"-ის ჟურნალისტია.

ვიდეოში კარგად გამოჩნდა, თუ რას ამბობს დე ლაურენტისი: "ამასთან არ უნდა ილაპარაკოს, მხოლოდ დი მარციოსთან! ის ლაციალეა, მას არ ველაპარებით".

ამ ყველაფრის შემდეგ კი პრეზიდენტმა ოპერატორს ფიზიკური შეურაცხყოფაც მიაყენა.