ფეხბურთმა კიდევ ერთი ლეგენდა დაკარგა - ჟოზე მოურინიომ პრესკონფერენციაზე ცრემლები ვერ შეიკავა

ფენერბაჰჩესა და ფეინოორდის მატჩის წინა პრესკონფერენციის დროს, თურქული გუნდის თავკაცმა, ჟოზე მოურინიომ ცრემლები ვერ შეიკავა.

სამწუხაროდ, გუშინ "პორტოს" ლეგენდარული მცველი და კაპიტანი ჟორჟე კოშტა 53 წლის ასაკში გარდაიცვალა.

ჟოზემ სწორედ მასთან დაკავშირებით ისაუბრა:

"ეს ჩემი ისტორიის ნაწილია. არსებობენ კაპიტნები და ლიდერები, მაგრამ საქმე მარტო სამკლაურში არ არის. მთავარია, როგორია თითონ პერსონალურად ადამიანი. ჟორჟე კოშტა იყო ადამიანი, რომელიც ყველა არეულობას აწესრიგებდა და მწვრთნელს თავის სამუშაოს გაკეთების საშუალებას აძლევდა. 

ძალიან დამწუხრებული ვარ. დავივიწყოთ ის, როგორც ფეხბურთელი და ყურადღება გავამახვილოთ პერსონა ჟორჟე კოშტაზე, მის შვილებზე, რომლებსაც ძალიან პატარები ვნახე.

აქ ახლა იმიტომ ვარ, რომ მას ჩემთან საუბარი შეძლებოდა, მეტყოდა, ჟოზე ჩაატარე პრესკონფერენცია და ხვალინდელი მატჩი. მეტყოდა, ითამაშე მოიგე და ჩემზე ნუ იფიქრებ... ვეცდები ეს გავაკეთო. 

დღეს და ხვალ ჩემს საქმეს გავაკეთებ, შემდეგ კი ვიტირებ, მაგრამ დღეს და ხვალ სამუშაო მაქვს და ვიცი, რომ ჟორჟე მეტყოდა, ჩემი საქმე გავაკეთო", - თქვა მოურინიომ.