"ეს უცნაურია ანორთოსისისთვის" - თემურ ქეცბაიას განცხადება პრესკონფერენციაზე

კვიპროსის ჩემპიონატის მე-9 ტურის მატჩში თემურ ქეცბაიას "ანორთოსისი" ნიქოზიაში "კრასავას" ესტუმრა და 1:0 გაიმარჯვა. 

აღსანიშნავია, რომ ქართველი სპეციალისტის გუნდს 3 ქულა სტეფანო სენსიმ გატანილი პენალტით მოუტანა. 

საგულისხმოა ისიც, რომ ეს ქეცბაიას გუნდის პირველი გამარჯვებაა მიმდინარე სეზონში სეზონში.

მატჩის შემდეგ ქართველმა მწვრთნელმა მედიასთან კომენტარი გააკეთა. 

"როგორც იქნა, ჩვენც მოვიგეთ. რვა ტური იყო გასული და გუნდს მოგება არ ჰქონდა, ეს უცნაურია ანორთოსისისთვის. დღეს პირველ ტაიმში გაგვიჭირდა, მაგრამ მეორეში მეტოქის ფეხბურთელის გაძევების შემდეგ ყველაფერი გაგვიიოლდა. 

"ყველას ვულოცავ ამ წარმატებას. მეტოქე ჩვენი კონკურენტია და მოგება ძალიან გვჭირდებოდა. 

"არ ვართ საუკეთესო ფორმაში, მაგრამ ასეთი დიდი გუნდი აუცილებლად იპოვის ძალებს წინსვლისთვის, ეს მოგებაც მორალურად დაგვეხმარება", - თქვა ქეცბაიამ.