საგანგაშო სიტუაცია! - მამარდაშვილს "ლივერპული" ისევ გაანათხოვრებს?

წესით, მამარდაშვილი ინგლისში მომავალ ზაფხულს უნდა ჩამოვიდეს, მაგრამ არსებობს შანსი ყველაფერი შეიცვალოს. ეს იმ შემთხვევაში მოხდება, თუკი ალისონის ენფილდზე დარჩენა გადაწყდება. 32 წლის ბრაზილიელს პრემიერლიგის ლიდერთან კიდევ ორ წელზე მეტი ხანი აკავშირებს და მართალია, მას ისევ ეპატიჟებიან საუდის არაბეთში, არავინაა დარწმუნებული, რომ ინგლისის დატოვებას დათანხმდება.

ჩვენს საფეხბურთო კორესპონდენტ გრემ ბეილის საკუთარმა წყაროებმა აცნობეს, რომ ლივერპულს საბოლოო გადაწყვეტილება ჯერაც არ აქვს მიღებული. მერსისაიდელებს თავადაც არ სურთ ალისონის რომელიმე არაბულ კლუბში გაშვება, არადა, მამარდაშვილის თაობაზეც რაღაც ნაბიჯია გადასადგმელი. არსებობს ვარიანტია, რომ 24 წლის ქართველი მეკარე ბრაზილიელის შემცვლელად იქცეს, რადგანაც ამჟამინდელი სათადარიგო მეკარე კაომჰინ კელეჰერი სკამზე ჯდომას აღარ აპირებს და სხვადასხვა ვარიანტებს განიხილავს. ამ საკითხზე მამარდაშვილის აზრიც უნდა მოისმინონ, რამდენად სურს მას ლივერპულის მე-2 მეკარეობა თუ ისევ განათხოვრებას აირჩევს.

ქართველი გოლკიპერის ამჟამინდელი კლუბი ძალიან რთულ ვითარებაში იმყოფება. ვალენსიას ლა ლიგის ბოლო 13 ტურში მხოლოდ 3 მატჩი აქვს მოგებული და გასავარდნ ზონაში იმყოფება. გასულ ტურში ვალენსიელებმა შინ ატლეტიკოსთან 0:3 წააგეს და ქართველი მეკარის მიმართ კითხვები იმ მატჩშიც იყო. მამარდაშვილმა უკანასკნელ ხუთ შეხვედრაში 12 გოლი გაუშვა, რამაც იქამდე მიგვიყვანა, რომ მის დასადანაშაულებლად ხელს უკვე არაერთი ადამიანი იშვერს", - წერს გამოცემა.