სოლიდური ტრანსფერი! - “ტორპედომ” ითრაქი დაიმატა

24 წლის ხორვატი საყრდენი ნახევარმცველი მატეო ითრაქი ქუთაისის “ტორპედოს” ფეხბურთელია. ინფორმაციას მამაქალაქური გუნდი სოციალურ ქსელში ავრცელებს.

“ტორპედომ” ხორვატი ფეხბურთელის კონტრაქტი ბელგიური “ფრანკს ბორაინსიდან” გამოისყიდა, რომელიც ბელგიის რანგით მეორე ლიგაში ასპარეზობს.

ახალგაზრდული ასაკის მიუხედავად მატეო გუნდის კაპიტანი გახლდათ და ამ კლუბის მაისურით 2 წლის განმავლობაში ჯამში 83 მატჩი ჩაატარა, მანამდე კი იტალიური “კროტონეს” ღირსებას იცავდა. 

ცნობისთვის, კლუბსა და ფეხბურთელს შორის 3-წლიანი კონტრაქტი გაფორმდა.