"ქართველებზე ამას ვიტყვი" - ვილი სანიოლის განცხადება საქართველოს შესახებ

საქართველოს ეროვნული ნაკრების ყოფილმა მწვრთნელმა, ვილი სანიოლმა, ფრანგულ YouTube-არხზე Nouvelle Énergie (დავიდ ლინართან ერთად) გასულ ინტერვიუში ქართველი სპორტსმენების ფსიქოლოგიასა და მათთან მუშაობის სპეციფიკაზე დეტალურად ისაუბრა.

"ქართველები სრულიად განსხვავებული კულტურის ხალხია. თუ მათზე ყვირილს დაიწყებთ საკუთარ ნაჭუჭში იკეტებიან და აღარაფერი ესმით. ოდნავ თინეიჯერებივით იქცევიან. შესაბამისად, როდესაც გაბრაზებულიც ხარ, იძულებული ხდები უფრო რბილი ლექსიკა მოძებნო. 

"ეცადო, ემოციები გვერდზე გადადო და ყურადღება უშუალოდ შესასრულებელ ამოცანასა და სამუშაოზე გადაიტანო.

"ზოგჯერ ეს გაამართლებს, ზოგჯერ - ვერა, თუმცა მთავარი მიზანი მაინც ესაა: ბოლომდე დაიხარჯო და ყველაფერი გაიღო. დასასრულს კი ვიტყოდი, რომ გამარჯვება ყოველთვის ჩვენი კუთვნილება არ არის", - განაცხადა სანიოლმა.