სომხეთის ფეხბურთის ფედერაციის პრეზიდენტი საგანგებო განცხადებას ავრცელებს

საქართველოს ნაკრებმა სომხეთის ნაკრებს საპასუხო შეხვედრაშიც დაამარცხა და „დინამო არენაზე“ 6:1 აჯობა.

აღნიშნულ მარცხს სომხეტის ფეხბურთის ფედერაციის პრეზიდენტი გამოეხმაურა:

არმენ მელიკბეკიანი (სომხეთის ფეხბურთის ფედერაციის პრეზიდენტი): "თამაშის შემდეგ ხანგრძლივი საუბარი გვქონდა ფედერაციის წარმომადგენლებთან, ფეხბურთელებთან, მწვრთნელებთან, გვქონდა ხანგრძლივი და სერიოზული საუბარი და მივედით დასკვნამდე, რომ მზად ვართ მივიღოთ ეს გამოწვევა. დარწმუნებული ვარ, რომ როგორც გუნდს შეგვიძლია წინსვლა. ბოდიშს ვუხდი გულშემატკივარს ამ შედეგისთვის, ხანგრძლივი საუბრის შემდეგ მივედით გადაწყვეტილებამდე, რომ ჩვენ შეგვიძლია წინ წავიწიოთ, როგორც ერთი გუნდი, მიუხედავად იმისა, თუ რა ნეგატივია სომხურ ფეხბურთში. ჩვენ მზად ვართ დავძლიოთ ეს ყველაფერი, ეს სირთულეები, ვეცდებით ივნისში სრულიად განსხვავებულ მდგომარეობაში ვიყოთ და სექტემბრისთვის შესარჩევი ეტაპის დაწყებისას კონკურენტუნარიანი გუნდი გვყავდეს. ეს არის ფედერაციის, სამწვრთნელო შტაბის და ფეხბურთელების ერთობლივი განცხადება".