"უეფას დელეგატმა ასეთი საყვედური დაგვიწერა" - დავით მუჯირმა მომხდარ ფაქტთან დაკავშირებით ყველაფერი გაასაჯაროვა

"UEFA-ს დელეგატმა საყვედური დაგვიწერა იმის გამო, რაც მატჩის შემდეგ მოედანზე მოხდა. ძალიან გული მწყდება, რადგან ჩვენი ნამდვილი გულშემატკივარის სახელი შებღალულია. ჩვენი საფეხბურთო ატმოსფერო და ის ინტერესი, რაც დღეს ეროვნული ნაკრების მიმართ არის, ამ ინციდენტს არ იმსახურებს.

როცა მოედანზე ასეთი ქაოსია, ეს ნიშნავს, რომ რაღაც ხარვეზები არის. დიდი მნიშვნელობა აქვს, თუ როგორ მოიქცევა გულშემატკივარი. ყველას უნდა მოვუწოდოთ, რომ ესეთი ინციდენტი შემდეგ თამაშებში არ გვქონდეს.

UEFA-ს სადისციპლინო კომიტეტი აღნიშნულ ფაქტთან დაკავშირებით გადაწვეტილებას 9-10 აპრილს მიიღებს. ვცდილობთ, UEFA-ს სადისციპლინო კომიტეტი დავარწმუნოთ, რომ სასჯელი მინიმალური იყოს. სასჯელი გვეკუთვნის, ეს ქცევა დასაგმობია. იქნებ, მინიმალური სასჯელით შემოვიფარგლოთ.

როცა მსოფლიოს ჩემპიონატზე გავალთ, მოედანზე ისევ გელოდებით, მაგრამ ეს გამონაკლისი შემთხვევაა", - განაცხადა მუჯრიმა.