"მსურს, რომ ერთ დღესაც აქ მთავარ მწვრთნელად დავბრუნდე" - რას ამბობს სანიოლის ერთ-ერთი თანაშემწე ჩვენს ნაკრებზე

საქართველოს ნაკრების სამწვრთნელო შტაბის ერთ-ერთმა ინგლისელმა წევრმა, დევიდ უებმა გამოცემა "talksport"-თან ინტერვიუ ჩაწერა..

ის ჩვენს ეროვნულ გუნდში 2023 წლიდან მუშაობს და მისი ძირითადი საქმიანობა ფეხბურთელების მენტალურად მომზადებაა.

"საქართველოს ნაკრების ევროპის ჩემპიონატზე მოხვედრა ქვეყნისთვის დიდი, ისტორიული მიღწევა გამოდგა. შემდეგი ეტაპი მსოფლიოს ჩემპიონატზე გასვლაა.

ვფიქრობთ, რომ გვყავს ფეხბურთელები და მწვრთნელები, რომლებმაც ახლა უკვე დიდ ტურნირზე თამაშის გამოცდილება მიიღეს და ეს სამომავლოდ უკეთ აღჭურვაში დაგვეხმარება.

პირადად ჩემთვის, ვილი სანიოლთან მუშაობა გასაოცარი გამოცდილებაა. ამის მიზეზი ის გახლავთ, რომ ვილის, როგორც ფეხბურთელს შესანიშნავი კარიერა ჰქონდა, ახლა კი ის ხარისხიანი მწვრთნელია. ეს ჩემთვის დიდი გამოცდილებაა.

ყოველთვის, ჩემი ამბიციაა, რომ რაღაც მომენტში მთავარ მწვრთნელად დავბრუნდე. ზუსტად როდის მოხდება ეს არ ვიცი, მაგრამ ყველაფერი სწორ გამოცდილებასა და შესაძლებლობებზეა დამოკიდებული.

ვფიქრობ, წარმატებისთვის აუცილებელია, რომ სწორ გარემოში და სწორ ადამიანებთან იმუშაო. ასეთი პრაქტიკა საუკეთესო შესაძლებლობების მიღების შანსს გაძლევს და ეს ნამდვილად არის ჩემს გეგმებში.

ახლა კონტრაქტი საქართველოს ნაკრებთან მაკავშირებს, ასე რომ, სხვაგან წასვლა არ მსურს. ვნახოთ რა იქნება მომავალში, ფაქტი ისაა, რომ ამბიციური ადამიანი ვარ და მთავარი მწვრთნელობა მართლაც მსურს. ამ ეტაპზე, ვილი სანიოლთან ერთად ვმუშაობ და შესაძლოა, როცა ის სხვა გუნდში იმუშავებს, მასთან ერთად დავსაქმდე. ამბიცია მაქვს და მსურს, ერთ დღეს მართლაც მთავარი მწვრთნელის სტატუსით დავბრუნდე", - განაცხადა დევიდ ვებმა ინტერვიუში.