გიორგი ჩაკვეტაძის შეძენით ინგლისის ყოფილი ჩემპიონი დაინტერესდა და თანხაც გაამზადა

ინგლისური მედიის, Leeds AllOver-ის ინფორმაციით, პრემიერ ლიგაში დაბრუნებულმა „ლიდს იუნაიტედმა“ თვალი „უოტფორდის“ ქართველ ნახევარმცველს, გიორგი ჩაკვეტაძეს დაადგა.

წყაროს ცნობით, ინგლისის სამგზის ჩემპიონი მომავალი სეზონის წინ შემადგენლობის გაძლიერებას გეგმავს და რამდენიმე საინტერესო კანდიდატს ამზადებს – საუბარია „იფსვიჩის“ 25 წლის მცველ ბენ ჯონსონზე, „სანდერლენდის“ 19 წლის ტალანტზე ჯობ ბელინგემზე (ჯუდ ბელინგემის უმცროსი ძმა) და ჩაკვეტაძეზე.

მიუხედავად იმისა, რომ ჩაკვეტაძის სტატისტიკა მიმდინარე სეზონში გამორჩეული არ არის (2 გოლი და 6 ასისტი), გამოცემა ხაზს უსვამს მის ძლიერ მხარეებს – მაღალი კლასის დრიბლინგი, ტექნიკა და ის, რომ მეტოქე გუნდის ქომაგებზე ხშირად ახდენს შთაბეჭდილებას. „ლიდსისთვის“ ასეთი შემტევი პრემიერ ლიგაში გამოსადეგი და საჭირო რესურსია – ფეხბურთელი, რომელსაც შეუძლია პასუხისმგებლობის აღება და მატჩის ბედი გადაწყვიტოს.

„უოტფორდის“ მთავარი მწვრთნელი ტომ კლევერლი იმედოვნებს, რომ გუნდს ლიდერების შენარჩუნება, მათ შორის ჩაკვეტაძის დატოვება, შეძლებს.

25 წლის ქართველი ფეხბურთელი ლონდონურ კლუბთან კონტრაქტით 2029 წლამდეა დაქვემდებარებული, ხოლო Transfermarkt მისი ღირებულებას ამჟამად 4 მილიონ ევოდ აფასებს.