"სპორტინგის" მწვრთნელი - სოციალურ მედიაში ხშირად კითხულობენ, როგორ უნდა დავაწეროთ ქოჩორაშვილს გვარი მაისურზე

ლისაბონის „სპორტინგის“ მთავარმა მწვრთნელმა, რუი ბორხესმა გიორგი ქოჩორაშვილის ტრანსფერზე კომენტარი გააკეთა. ქართველი ფეხბურთელი კლუბს სულ რამდენიმე დღის წინ შეუერთდა.

„გაძლიერებებთან დაკავშირებით ერთ სახელს არ დავასახელებ — მისი წარმოთქმა არც ისე იოლია“, — იხუმრა ბორხესმა.

„სოციალურ მედიაში ბევრი კითხულობდა, როგორ უნდა დავაწეროთ მისი გვარი მაისურზე მოკლედ — ეს, ალბათ, ყველაზე ხშირად დასმული შეკითხვა იყო“.

ბორხესის თქმით, ქოჩორაშვილით „სპორტინგი“ გარკვეული ხნის წინ დაინტერესდა. მთავარმა მწვრთნელმა აღნიშნა, რომ ქართველი ნახევარმცველი არა მხოლოდ ტექნიკით გამოირჩევა, არამედ ძლიერი ხასიათითაც.

„ის ისეთ ტიპის მოთამაშეა, რომელიც გუნდს კონკურენტუნარიანობას მატებს. საყრდენად თამაშობს, მაგრამ შეტევაში ჩართვაც შეუძლია და გოლებიც გააქვს. სწორედ ამიტომ მჯერა, რომ ქოჩორაშვილი ჩვენთვის ფასეული ფიგურა გახდება. ძალიან მახარებს, რომ მისი დამატება შევძელით და ახლა ის 'სპორტინგის' ფორმას მოირგებს“, — დასძინა ბორხესმა.