პროგნოზი გაკეთებულია - რა მოხდება საქართველოსა და ფარერების მატჩში

როგორც მოგეხსენებათ, 5 ივნისს საქართველოს ეროვნული ნაკრები შინ ფარერების გუნდს შეხვდება.

სუპერკომპიუტერის გათვლით, რომელიც მატჩების სტატისტიკურ მონაცემებსა და ფორმას ეფუძნება, საქართველოს ნაკრები ფარერების წინააღმდეგ გამართულ შეხვედრაში დამაჯერებელ გამარჯვებას მოიპოვებს.

პროგნოზის მიხედვით, ვილი სანიოლის გუნდი მეტოქეს 5:0 გაანადგურებს.

ალგორითმმა გაითვალისწინა ისეთი ფაქტორები, როგორიცაა ორივე გუნდის ბოლო თამაშები, ინდივიდუალური ფორმა, შემადგენლობების შესაძლო კონფიგურაცია და ისტორიული მაჩვენებლები.

აღსანიშნავია, რომ ფარერების ნაკრები ბოლო პერიოდში სუსტად გამოიყურება, ხოლო საქართველოს ნაკრები მეტოქეს გადახალისებული გუნდით უმასპინძლებს.

რა თქმა უნდა, ეს მხოლოდ სტატისტიკაზე დაფუძნებული პროგნოზია და საბოლოო სიტყვა მოედანზე ითქმება – თუმცა ქართველ გულშემატკივრებს ეს ამბავი ოპტიმიზმის საფუძველს ნამდვილად აძლევს.