ვალენსიაში გიორგი ჩაკვეტაძის ტრანსფერი იშლება? პრობლემა წარმოიშვა

მიუხედავად გავრცელებული ინფორმაციისა, „უოტფორდის“ პოზიცია გიორგი ჩაკვეტაძის „ვალენსიაში“ შესაძლო გადასვლასთან დაკავშირებით უცვლელი რჩება, - იტყობინება Watford Observer-ი.

გამოცემა წერს, რომ „ვალენსიას“ მხრიდან არავითარი კონტაქტი არ ყოფილა და ინგლისური კლუბი მის გასხვისებას არ აპირებს.

აღნიშნულია, რომ ჩაკვეტაძე ტრავმირებულია, სექტემბრის შუა რიცხვებამდე ვერ ითამაშებს, თანაც 10 მილიონად არ გაყიდიან და „ვალენსია“ „უოტფორდის“ მოთხოვნილ თანხას ვერ გადაიხდის.

The Watford Way-ს ცნობით, ჩაკვეტაძის ტრანსფერი იმ შემთხვევაში გახდება შესაძლებელი, თუ ანდრე ალმეიდა გუნდს დატოვებს, რომელსაც რამდენიმე კლუბისგან აქვს შეთავაზება, თუმცა ჯერ გადაწყვეტილება არ მიუღია.