ტენდერი გამოცხადებულია - როგორი იქნება ახალი 70 000 მაყურებელზე გათვლილი სტადიონი

თბილისში, აეროპორტის მიმდებარე ტერიტორიაზე უეფა-ს მე-4 კატეგორიის 70 000 მაყურებელზე გათვლილი საფეხბურთო სტადიონი აშენდება.

მშენებლობის დეტალური პროექტის მომზადებასა და სამშენებლო სამუშაოებზე მუნიციპალური განვითარების ფონდმა ტენდერი 15 აგვისტოს გამოაცხადა.

დოკუმენტაციის მიხედვით, ტენდერის განცხადებების მიღება 25 სექტემბერს დაიწყება და 29 სექტემბერს დასრულდება. შესყიდვის სავარაუდო ღირებულება 876 მლნ ლარია.

ოფიციალურ დოკუმენტზე დაყრდნობით, „ბიზნესპრესნიუსი“ გთავაზობთ სტადიონის მაკეტიდან დეტალებსა და სპეციფიკაციებს, რომლებითაც ახალი არენა იქნება წარმოდგენილი.

გენერალური გეგმა ითვალისწინებს ახალი სტადიონის დანიშნულებისამებრ გამოყენებას, როგორც ღონისძიებების დღეებში, ისე სხვა დროს. ეს კი გულისხმობს, რომ უშუალოდ სპორტული მოვლენების გარდა, არენა ადაპტირებული იქნება და მასზე შესაძლებელია გაიმართოს:

კონცერტები;

ფესტივალები;

საცეკვაო ღონისძიებები და წვეულებები;

კულტურული ღონისძიებები;

საზოგადოებრივი ღონისძიებები;

კორპორატიული ღონისძიებები;

სხვადასხვა ტიპის შეხვედრები;

დაჯილდოვებები;

კონფერენციები;

გამოფენები;

სტადიონისა და მუზეუმის ტური

როგორც აღვნიშნეთ, სტადიონის სრული ტევადობა 70 000 იქნება, მათგან 65 410 ადგილი ჩვეულებრივი მაყურებლების სეგმენტისთვის არის გამოყოფილი, ხოლო 5 840 პრემიუმ ადგილების სეგმენტია.

განვმარტოთ, რომ პრემიუმ მაყურებელი შესაბამისი მაყურებლის სეგმენტის ყველა ვიზიტორს მოიცავს. ეს სეგმენტები მოიცავს, მაგრამ არ შემოიფარგლება მხოლოდ VIP მაყურებლებით, სპონსორების სტუმრებით და კორპორატიული სტუმრებით.

გვირაბების კლუბი მაყურებლებს უნიკალურ კულისებში მუშაობის გამოცდილებას სთავაზობს, სადაც მოთამაშეთა გვირაბის პირდაპირი ხედი იშლება. მდიდრული რესტორანი სხვადასხვა დასაჯდომი ადგილებით, ხედით მოთამაშეთა გვირაბზე და მის პირდაპირ მიმდებარედ.

წყარო: BPN.GE