თურქეთის ფეხბურთის ფედერაციის პრეზიდენტი - ასეთი საქციელი მხოლოდ მოღალატეებს შეეფერებათ

თურქეთის ფეხბურთის ფედერაციის პრეზიდენტი იბრაჰიმ ჰაჩიოსმანოღლუ საქართველოსთან მატჩის შემდეგ თურქულ მედიაში გავრცელებულ ცნობებს გამოეხმაურა, რომლის მიხედვით, ფეხბურთელებმა იჩხუბეს და გუნდში კონფლიქტია.

მან თქვა, რომ ვინც ასეთი მნიშვნელოვანი მატჩის წინ მსგავს ინფორმაციას ავრცელებენ, მოღალატეები არიან:

„გუნდში შესანიშნავი ოჯახური ატმოსფეროა. ისინი, ვინც ამ ატმოსფეროს დარღვევას ცდილობენ, თურქები არ არიან. ასეთი მნიშვნელოვანი მატჩის წინ ასეთი დაპირისპირების შექმნა მხოლოდ მოღალატეებს შეეფერებათ! ყოველთვის ვამბობ, რომ ეს არის ისტორიაში ყველაზე ხასიათიანი და უმაღლესი ხარისხის ეროვნული ნაკრების შემადგენლობა და შესანიშნავი ატმოსფეროა“, - აღნიშნა ჰაჩიოსმანოღლუმ.

შეგახსენებთ, რომ მეორე ტურში 7 სექტემბერს, საქართველო ბულგარეთს უმასპინძლებს, ხოლო თურქეთი - ესპანეთს.