საქართველოს ნაკრები ამას არ გააკეთებს - სანიოლის ასისტენტი ზურაბ ხიზანიშვილი

მსოფლიოს ჩემპიონატის საკვალიფიკაციო ეტაპის პირველ ტურში საქართველოს ნაკრები საკუთარ მოედანზე თურქეთთან 2:3 დამარცხდა. მატჩის დასრულების შემდეგ ჩვენი გუნდის ერთ-ერთმა მწვრთნელმა ზურაბ ხიზანიშვილმა ისაუბრა:

„მეოთხე მსაჯმა თქვა, რომ სანიოლმა ტექნიკური ზონის ხაზი ბევრჯერ გადმოჭრაო. ვილის განსაკუთრებული რეაქცია არ ჰქონია, მხოლოდ გაფრთხილება შეიძლებოდა, გასაძევებელი არ იყო.

თამაშის მერე გარჩევა იოლია, რომ მეხუთე ფეხბურთელიც უნდა შეგვეყვანა. ხუთმცველიანი ტაქტიკის დროს გვეუბნებოდნენ, რომ შეტევაში ცოტანი ვიყავით. 4 მცველზე გადასვლა დიდი ხანია გვინდოდა. წაგებული თამაშის მერე ახლა ამაზე საუბარი რთულია. არ მგონია, მომავალ თამაშებზე 5 მცველზე დავბრუნდეთ. ასეთი დიდი მატჩების პირველივე წუთებიდან თამაში უნდა ვისწავლოთ. როცა პრაქტიკა არ გაქვს, ეგ შენ თამაშზე აისახება. ეს მხოლოდ მამარდაშვილს არ ეხება.

ორი სხვადასხვა მოდელის მცველი გვყავს, ერთი ძალიან გამოცდილი კაშია და მეორე საჰაერო ორთაბრძოლებში ძლიერი გოგლიჩიძე. ვილის სიტყვებს ვამბობ, რომ სამ მცველზე გადასვლას არ ვაპირებთ. 

ტაქტიკა პირველივე ტაიმში შევცვალეთ და 4-3-3-ზე გადავედით, მაგრამ ამასთან შეჩვევა იოლი არაა, დრო სჭირდება. მომავალ მატჩში შემადგენლობას იმის მიხედვით შევარჩევთ, ფეხბურთელები ძალებს როგორ აღიდგენენ“.