ეს ბიჭი ჩვენს საუკეთესო ნახეარმცველებს დაგვავიწყებს და აი, რატომ - სევილიას ფანები ქოჩორას დებიუტზე

გიორგი ქოჩორაშვილმა სადებიუტო შეხვედრა ჩაატარა „სევილიაში“, რომელმაც ესპანეთის ლა ლიგაში მადრიდის „ატლეტიკოს“ უმასპინძლა და 1:3 დამარცხდა.

ევროპის ერთ-ერთ ყველაზე ტიტულოვან გუნდში გადასული ქართველი ნახევარმცველი თავიდან სათადარიგოთა შორის იყო, მოედანზე კი 55-ე წუთზე შევიდა და ახალ გუნდში სადებიუტო მატჩი ჩაატარა.

„ატლეტიკომ“ პირველ ტაიმში სოლიდური უპირატესობა მოიპოვა – მადრიდელები ალექს ბაენას დუბლითა და ადემოლა ლუკმანის გოლით 3:0-ს იგებდნენ. „სევილიამ“ მიგელ სიერას ზუსტი დარტყმით მხოლოდ ანგარიშის შემცირება შეძლო.

მარცხის მიუხედავად, გიორგი ქოჩორაშვილი მოედანზე „სევილიის“ რიგებში ერთ-ერთი საუკეთესო იყო და ქომაგებისგან ბევრი კომპლიმენტიც დაიმსახურა:

გუნდის ქომაგები წერენ:

„ეს ბიჭი ჩვენს საუკეთესო ნახევარმცველებს დაგვავიწყებს, რადგან ბოლომდე იბრძვის და მისთვის ავტორიტეტები არ არსებობს“

„ნახევარდაცვაში იმედი გაჩნდა - მას ჩაჭრაც შეუძლია და შეტევების დაწყებაც"

„შემდეგ თამაშში ძირითადში ველოდები“

„კეთილი იყოს შენი მობრძანება, გიორგი“