"ლივერპული" ილდიზის დამატებით დაინტერესდა

Caughtoffside-ის ინფორმაციით, "ლივერპული" ტურინის "იუვენტუსის" ახალგაზრდა გარემარბის, ქენან ილდიზის შეძენით დაინტერესდა.

როგორც ირკვევა, ახალგაზრდა თურქის დამატებაში "წითლებს" შესაძლოა კონკურენცია "ასტონ ვილამ", "მანჩესტერ იუნაიტედმა" და "არსენალმა" გაუწიონ. სავარაუდოდ, კლუბები მის ტრანსფერზე მუშაობას 2025 წლიდან შეუდგებიან.

მრავალი კლუბის ინტერესის ფონზე, შესაძოა "ლივერპულს" ილდიზის შესაძენად 80 მილიონი ევროს გადახდა მოუწიოს. ამით მერსესაიდელებს ახალგაზრდის დათანხმების შანსი შესაძლოა ზაფხულამდეც ჰქონდეთ. ამას ემატება ინგლისელების კარგი სატრანსფერო ისტორია "იუვესთან". შეგახსენებთ, რომ მათ ზაფხულზე "ბებერი ქალბატონისგან" ფედერიკო კიეზა დაიმატეს.

აქვე გეტყვით იმასაც, რომ ილდიზმა მიმდინარე სეზონში "იუვენტუსის" შემადგენლობაში ყველა ტურნირზე 20 მატჩი ჩაატარა, საიდანაც 4 გოლისა და 3 საგოლე გადაცემის შესრულება მოახერხა.