თემურ ქეცბაია - მინდოდა, მაგრამ არ შემეძლო. ალბათ, მათაც დაინახეს, რომ დროა უკვე...

საქართველოს ნაკრებისა და ბარსელონას ლეგენდების მატჩის შემდეგ (1:3) მედიისთვის კომენტარი საქართველოს მთავარმა მწვრთნელმა, თემურ ქეცბაიამ გააკეთა:

თემურ ქეცბაია (GEO11-ის მწვრთნელი): “ვფიქრობ, მშვენიერი საფეხბურთო საღამო გამოვიდა, გულშემატკივარმა კარგი თამაში ნახა. სამწუხაროდ, წავაგეთ, მაგრამ ეს ფეხბურთია. ქართული ფეხბურთის პოპულარიზაციისთვის კარგი იქნება, თუ ეს ტრადიცია გაგრძელდება და ასეთი მატჩები კიდევ ბევრჯერ ჩატარდება. დღეს საქართველოში ფეხბურთი პოპულარობის პიკშია და რაც მეტი ასეთი თამაში იქნება, მით უკეთესი მაყურებლისთვის.

“დინამო არენაზე” დაბრუნებაც განსაკუთრებული ამბავია. ამ სტადიონს ჩემთვის ყოველთვის ძალიან დიდი მნიშვნელობა ჰქონდა, რადგან სწორედ ამ არენაზე დავიწყე უმაღლეს დონეზე თამაში. ამ მინდორზე შესვლა სულ სხვა ემოციაა.

ძალიან მინდოდა, რომ მეც მეთამაშა, მაგრამ სამწუხაროდ არ შემიძლია. ალბათ ზოგიერთებმაც დაინახეს, რომ დროა უკვე… ხუმრობა იქეთ იყოს და ყველა ცდილობდა, რაც შეეძლოთ, გააკეთეს. ჩვენზე ძლიერი გუნდი იყო და მოგვიგეს კიდეც დამსახურებულად.”