ცნობილია, ვინ შეცვლის ხოსეპ გუარდიოლას მანჩესტერ სიტის მთავარი მწვრთნელის პოსტზე

ესპანელი სპეციალისტი ხოსეპ გუარდიოლა სეზონის დასრულების შემდეგ „მანჩესტერ სიტის“ მთავარი მწვრთნელის თანამდებობას დატოვებს, – ინფორმაციას BBC ავრცელებს.

გავრცელებული ცნობით, კლუბში გვარდიოლას სავარაუდო წასვლისთვის მზადება უკვე მიმდინარეობს და პერსონალსაც აქვს მოლოდინი, რომ ის გუნდს დატოვებს.

მოსალოდნელია, რომ გუარდიოლა „მანჩესტერ სიტის“ უკანასკნელად 24 მაისს, „ასტონ ვილას“ წინააღმდეგ შეხვედრაში გაუძღვება.

55 წლის სპეციალისტის შემცვლელად იტალიელი ენცო მარესკა მიიჩნევა, რომელიც გარკვეული პერიოდი „მანჩესტერ სიტიში“ მისი ასისტენტი იყო, ხოლო ბოლოს ლონდონის „ჩელსის“ ავარჯიშებდა.

ხოსეპ გუარდიოლამ „მანჩესტერ სიტიში“ უდიდეს წარმატებას მიაღწია – მან ექვსჯერ მოიგო პრემიერლიგა, ხოლო 2023 წელს ჩემპიონთა ლიგის გამარჯვებული გახდა.