ლუის ენრიკე - არაფერი მომეწონა, რადგან...

„პარი სენ-ჟერმენის“ მთავარმა მწვრთნელმა, ლუის ენრიკემ საფრანგეთის ჩემპიონატის მეოთხე ტურის შეხვედრის შესახებ ისაუბრა, რომელშიც „პარი სენ-ჟერმენმა“ „ბრესტი“ სტუმრად 1:0 დაამარცხა.

„წინა სამ მოუგებელ შეხვედრაში ბევრად უფრო ხარისხიანი ფეხბურთი ვაჩვენეთ, ვიდრე დღეს. უამრავი შეცდომა დავუშვით. მართალია, დასაწყისი კარგი იყო, თუმცა ისეთი ორი რამ გავაკეთეთ, რაც ჩვენ არ გვახასიათებს. საკმაოდ გაგვიჭირდა. ფეხბურთი ასეთია – ზოგჯერ უსამართლოც, თუმცა მთავარია, რომ დღეს სამი ქულა ავიღეთ. შედეგით კმაყოფილები ვართ, მაგრამ თამაშის ხარისხი აუცილებლად უნდა გამოვასწოროთ.

კონკრეტული ფეხბურთელების გამორჩევა არ მსურს, უბრალოდ მიხარია, რომ ასეთი მაღალი კლასის თავდამსხმელები გვყავს. წინ ძალიან ბევრი შეხვედრაა და მათი მუდმივად თამაში ფიზიკურად შეუძლებელი იქნება. როცა გუნდს ყველა ტურნირის მოგება აქვს მიზნად დასახული, შემადგენლობაში ბევრი ვარიანტი უნდა გქონდეს, რითაც ნამდვილად კმაყოფილი ვარ.

ამ თამაშში არაფერი მომეწონა. ბიჭებისგან გაცილებით უკეთეს ასპარეზობას ველოდი. ჩვენი სტილით გამარჯვება მოედანზე ბევრად მეტ კონტროლს მოითხოვს. დღეს იყო მომენტები, როდესაც ბურთს ვერ ვფლობდით და მოწინააღმდეგემ პრობლემები შეგვიქმნა. ჩვენი საფირმო სტილით წარმატების მისაღწევად აუცილებელია, რომ ყველამ მოვუმატოთ – როგორც ფეხბურთელებმა, ისე პირადად მეც“, – ამბობს ენრიკე.

ეს გამარჯვება „პარი სენ-ჟერმენისთვის“ ლიგა 1-ის 2026/2027 წლის სეზონში პირველი იყო – შემდეგ შეხვედრას გუნდი 20 სექტემბერს სტუმრად „მარსელთან“ გამართავს.