დე ლაურენტისი ოსიმენს იტალიის სასამართლოში უჩივის - ნაპოლის პრეზიდნეტის მორიგი გამაოგნებელი ქმედება

როგორც მოგეხსენებათ, ვიქტორ ოსიმენი გალათასარაიმ ნაპოლისგან თითქმის გამოისყიდა, თუმცა იტალიურმა კლუბმა ბოლო წამს 70 მილიიონი ევროს ნაცვლად 75 მოითხოვა, რამაც სიტუაცია შეაფერხა.

ნიგერიელ ფორვარდს პარტენოპეისთან კონტრაქტი 2026 წლის ზაფხულამდე აკავშირებს.

ანტონიო კონტეს გუნდმა წინასასეზონო მზადება უკვე დაიწყო, თუმცა ოსიმენი, რა თქმა უნდა, ამ შეკრებაზე არ გამოცხადებულა და არც სამედიცინო შემოწმება გაუვლია.

Spazionapoli-ს ცნობით, სწორედ ამის გამო აურელიო დე ლაურენტისი ფეხბურთელისთვის იტალიის სასამართლოში ჩივილს აპირებს.

შეკარებაზე გამოცხადება და სამედიცინო შემოწმების გავლა კონტრაქტის მიხედვით ფეხბურთელს, ევალება, თუმცა, რადგან ოსიმენსა და ნაპოლის შორის სიტუაცია დაძაბულია ფეხბურთელი ასე არ მოქცეულა.

როგორც მედიაში იწერება, ნაპოლიმ ვიქტორს საქმე უკვე რამდენჯერმე გაუფუჭა, მას კი შურისძიება აქვს გადაწყვეტილი.

შეგახსენებთ, რომ ბოლო ინფორმაციის მიხედვით, ოსიმენის ყიდვა ხვიჩა კვარაცხელიას პსჟ-საც სურს.