რჩება თუ მიდის - რა ბედი ელის მატვეი საფონოვს მომავალ სეზონში

ფრანგული გამოცემის Le Parisien-ის ინფორმაციით, პარის სენ-ჟერმენი მომდევნო სეზონშიც პირველ მეკარედ მატვეი საფონოვს მოიაზრებს.

წყაროს ცნობით, პარიზული გრანდი სრულ ნდობას უცხადებს რუს მეკარეს, რომელმაც განსაკუთრებით ჩემპიონთა ლიგაზე არაერთხელ დაამტკიცა, რომ გუნდისთვის საიმედო ბოლო ბარიერი შეიძლება იყოს.

კლუბში მიაჩნიათ, რომ საფონოვის სტაბილური ფორმა საკმარისია ძირითადი მეკარის პოზიციის შესანარჩუნებლად და მისი როლი მომავალ სეზონშიც უცვლელი იქნება.

ამასთან, პსჟ ზაფხულის სატრანსფერო ფანჯარაზე მასშტაბურ გადახალისებას არ გეგმავს. გეგმაშია მხოლოდ კონკრეტული პოზიციების შევსება იმ პროფილებით, რომლებიც უკვე იდენტიფიცირებული აქვთ მთავარ მწვრთნელს ლუის ენრიკესა და სპორტულ დირექტორ ლუის კამპოსს.

ამრიგად, პარიზული გუნდი სტაბილურობისა და მიზანმიმართული გაძლიერების სტრატეგიას აგრძელებს.