დასახელდა მსოფლიოს 100 საუკეთესო კლუბი - პსჟ სამეულშიც არ არის

სპორტული სტატისტიკისა და ანალიტიკის კომპანიის, Opta-მ მსოფლიოს ტოპ 100 საუკეთესო კლუბი დაასახელა - პირველ ადგილზე ლონდონის "არსენალია".

რეიტინგის მიხედვით, მეორე პოზიციას მიუნხენის „ბაიერნი“ იკავებს, მესამეზე „მანჩესტერ სიტია“, ხოლო მეოთხეზე — „ბარსელონა“.

საქართველოს ნაკრების ლიდერის, ხვიჩა კვარაცხელიას კლუბი „პარი სენ-ჟერმენი“ მეხუთე პოზიციაზეა და მადრიდის „რეალსა“ და „ლივერპულს“ ასწრებს, რომლებიც, შესაბამისად, მეექვსე და მეშვიდე ადგილებზე არიან.

საუკეთესო ათეულში ასევე მოხვდნენ „ბრაიტონი“, „ასტონ ვილა“ და მილანის „ინტერი“.

Opta-ს რეიტინგის საუკეთესო ათეული:

1. „არსენალი“ (ინგლისი)
2. „ბაიერნი“ (გერმანია)
3. „მანჩესტერ სიტი“ (ინგლისი)
4. „ბარსელონა“ (ესპანეთი)
5. „პარი სენ-ჟერმენი“ (საფრანგეთი)
6. „რეალი“ (ესპანეთი)
7. „ლივერპული“ (ინგლისი)
8. „ბრაიტონი“ (ინგლისი)
9. „ასტონ ვილა“ (ინგლისი)
10. „ინტერი“ (იტალია)

აღსანიშნავია, რომ „ჩელსი“ მე-11 ადგილზეა, „მანჩესტერ იუნაიტედი“ — 23-ზე, „იუვენტუსი“ — 38-ზე, ხოლო „ნაპოლი“ 42-ე პოზიციას იკავებს.

Opta-ს რეიტინგი კლუბების შედეგებისა და თამაშის ხარისხის ანალიზს ეფუძნება. შეფასებისას გათვალისწინებულია მეტოქეების სიძლიერე და მოსალოდნელი გოლების (xG) მაჩვენებელიც.