სკანდალი ესპანურ მედიაში მამარდაშვილის გამო! - რას წერენ უდიდესი სპორტული გამოცემები

ლა ლიგის 36-ე ტურში "ვალენსია" "ალავესთან" ანგარიშით 1:0 დამარცხდა. გოლი უსამართლოდ დანიშნულ პენალტს მოყვა, რომელიც გიორგი მამარდაშვილმა "აიკიდა".

მატჩის მთავარმა არბიტრბმა, ხესუს ხილ მანსანომ ეპიზოდი VAR-ზე გადაამოწმა, თუმცა თავისი გადაწყვეტილება არ შეცვალა.

მიუხედავად ამისა, მამარდა მატჩის საუკეთესო ფეხბურთელად დასახელდა და რომ არა მსაჯის შეცდომა, კარს მშრალადაც შეინახავდა.

ამ მომენტს ესპანურ მედიაში დიდი გამოხმაურება მოჰყვა:

კატალონიური "სპორტი“: მენდისოროსამ (ალავესის სტადიონი) და ხილ მანსანომ „ღამურების“ ევროპული ოცნება დაასამარეს. VAR-მა მთელი თავისი ნდობის მანდატი ამოწურა. ამჯერად ცუდი მსაჯობის გამო ქულა ვალენსიამ დაკარგა. ეტყობა, მანსანოს მოსწყინდა მეორე ტაიმში გუნდების უფერული თამაშის ყურება და თერთმეტმეტრიანი დანიშნა. უნდოდათ ის დაცინვისგან გადაერჩინათ და ეპიზოდის გადამოწმება ურჩიეს, მაგრამ როგორც ჩანს, მან გადაწყვიტა მატჩის მთავარი გმირი გამხდარიყო“.

Superdeporte: "ეს რეციდივისტი მანსანოს ძარცვა გახლდათ. პირველი შემთხვევა არაა, როცა მისი შეცდომების შედეგად „ვალენსია“ ზარალდება. ასეთ შემთხვევებს ადრეც ჰქონდა ადგილი“.

Eldesmarque: "მამარდაშვილს გამოსვლაზე წესები არ დაურღვევია. VAR-მა მანსანოს მომენტის გადამოწმება ურჩია, ის ეკრანთან მივიდა და მიღებული გადაწყვეტილება არ შეცვალა - თავისი ვირიდან არ ჩამოვიდა“.