ენრიკეს მკაცრი მოთხოვნა აქვს - კვარას დიდი გულშემატკივარი ესპანელი ვარსკვლავი პსჟ-ში

ფერან ტორესის შეძენის შემდეგ, პსჟ-ს მწვრთნელს ლუის ენრიკეს „ბარსელონას“ კიდევ ერთი ფეხბურთელის, გავის დამატება სურს, - იტყობინება El Nacional-ი.

აღნიშნულია, რომ ტრანსფერის განხორციელების შემთხვევაში, 22 წლის გავის პსჟ-ში სტაბილურად თამაშის და ფორმის აღდგენის საშუალება მიეცემა. 

გავის „ბარსელონასთან“ კონტრაქტი 2030 წლის ზაფხულამდე აქვს გაფორმებული, ამ სეზონში ყველა ტურნირზე 7 მატჩში 191 წუთი ითამაშა, Transfermarkt-ის მიხედვით კი მისი ფასი 25 მილიონი ევროა.

ადრე მან განაცხადა, რომ ხვიჩა კვარაცხელიას დიდი გულშემატკივარია და მალე გამოჯანმრთელება უსურვა.