“კვარაცხელია კონკურენციას უნდა გრძნობდეს, მან სხვა ფეხბურთელების მსგავსად ითამაშა” - ანტონიო კონტე

როგორც მოგეხსენებათ, სერია ა-ს მე-8 ტურის შეხვედრაში “ნაპოლი” “ემპოლის” ესტუმრა და ანგარიშით 0:1 იმარჯვა.

შეხვედრის ერთადერთი გოლი საქართველოს ნაკრების თავდამსხმელმა, ხვიჩა კვარაცხელიამ გაიტანა.

“პარტენოპეის” თავკაცი, ანტონიო კონტე ხვიჩას თამაშს გემოეხმაურა:

“კვარაცხელიას შეფასებაც იგივეა, რაც ყველა სხვა მოთამაშის. პირველ ტაიმში საშინლად ასპარეზობდნენ, მეორე ტაიმში კი თამაშის ხარისხი გაზარდეს. ვინც თამაშობს, უნდა იცოდეს, რომ ძირითადში ადგილი გარანტირებული არ აქვს. უნდა გრძნობდეს კონკურენციას, იცოდეს, რომ სხვას მისი შეცვლა შეუძლია”. - განაცხდა კონტემ.