ამ საკითხზე მოლაპარაკებები განახლდება - რას წერს იტალიური გამოცემა ხვიჩაზე

ცნობილი იტალიური გამოცემა "Corriere dello Sport" ხვიჩა კვარაცხელიასთან დაკავშირებით ახალ ინფორმაციას ავრცელებს. 

წყაროს ცნობით, "ნაპოლისა" და "ლაციოს" კოპა იტალიაზე გამართულ დაპირისპირებას კვარასთან დაახლოებული ყოფილი იტალიელი ფეხბურთელი, კრისტიან ძაკარდო დაესწრო. 

როგორც გამოცემა აღნიშნავს, ეს შესაძლებელია ნიშნავდეს, რომ კვარაცხელიას წარმომადგენლებსა და "პარტენოპეის" შორის ხელშეკრულების გახანგრძლივების საკითხზე მოლაპარაკებები განახლდეს. 

აღნიშნული წყარო აქვე დასძნეს, რომ ორივე მხარე ამ თემაზე აქტიურად მუშაობს. 

ცნობისთვის, ხვიჩას ნეაპოლელებთან ამჟამინდელი კონტრაქტი 2027 წლამდე აკავშირებს.