დიდი პატივია - ქოჩორაშვილის პრემიერ ლიგის ლეგენდას შეადარეს

ცნობილმა საფეხბურთო ჟურნალისტმა, რაფა ესტევემ ერთ-ერთ გადაცემაში გიორგი ქოჩორაშვილის შესახებ ისაუბრა.

მან ქართველი ნახევარმცველი პრემიერ ლიგის ლეგენდას შეადარა:" როდესაც ქოჩორაშვილი გამოდიოდა ლევანტეს სარეზერვო გუნდში, ის თამაშის სტილით კაისედოს მაგონებდა. ახლა კი მას ენცოს ან გავის უფრო ვამსგავსებ. იმ შემთხვევაში, თუ გიორგი გააგრძელებს ზრდას, სიმაღლეში სხვაობის მიუხედავად, ის ახალი ტურე გახდება. მთავარია, რომ ქართველი შუახაზელი არ გაჩერდეს. 

ვვარაუდობ, რომ ლევანტეს ლიდერისთვის სპორტინგი ბოლო გუნდი არ იქნება. მას ვხედავ პრემიერ ლიგაში ან თუნდაც სერია ა-ში. 

ამასთან ერთად, არ უნდა დაგვავიწყდეს ლისაბონელთა სატრანსფერო პოლიტიკაც, რაც მოთამაშის სარფიანად გაყიდვას გულისხმობს", - განაცხადა ესტევემ.