"ბაიერნის" ფეხბურთელს საქართველოს ნაკრებში უხმეს

ჯამალ კაიშვილი საქართველოს 19-წლამდე ნაკრებში გამოიძახეს - აღნიშნულ ინფორმაციას "Geo Team" ავრცელებს.

როგორც ირკვევა, "ბაიერნის" 17 წლის ნახევარმცველი ჯამალ კაიშვილი საქართველოს 19-წლამდე ნაკრებში გამოიძახეს.ამის სურვილი საქართველოს ფეხბურთის ფედერაციაში დიდი ხნის წინ ჰქონდათ, თუმცა რთული პროცედურა იყო. 

სამწუხაროდ, ფეხბურთელის ორივე მშობელი წლების წინ გარდაიცვალა და თავად გერმანიაში ლტოლვილის სტატუსით ჩაბარდა, ამიტომ მისი წინაპრების ინდენტიფიცირება მარტივი საკითხი არ ყოფილა. 

ახლა კი დედით ქართველი, მამით ჩეჩენი ჯამალი დღეიდან საქართველოს სახელს წარმოადგენს! 

ამ ამბავში პირადად იყო ჩართული სფფ-ს ვიცე-პრეზიდენტი ალექსანდრე იაშვილი, რომელიც რამდენჯერმე გერმანიაშიც ჩავიდა, "ბაიერნის" კამპუსს ეწვია ჯამალ კაიშვილის სანახავად და ფეხბურთელთან მუდმივ კომუნიკაციას ინარჩუნებდა.