"და მაინც, კვარა არსენალს ამიტომ მოუხდება" - ფაბრიციო რომანო მიზეზს ასახელებს

პარი სენ-ჟერმენის“ ფეხბურთელ ხვიჩა კვარაცხელიას სხვადასხვა გამოცემა ლონდონის „არსენალს“ უკავშირებს, თითქოს, ინგლისელები ზაფხულში ეცდებიან ქართველის შეძენას.

ცნობილი ინსაიდერი ფაბრიციო რომანო ადასტურებს, რომ „არსენალს“ მართლაც სურს გარემარბის პოზიციის გაძლიერება და კვარაცხელია მათთვის იდეალური შენაძენი იქნებოდა, მაგრამ ამბობს, რომ ძალიან რთული იქნება ამ ტრანსფერის განხორციელება.

„თუ მკითხავთ, არის თუ არა პრემიერლიგის მხრიდან ინტერესი ხვიჩა კვარაცხელიას მიმართ, პასუხი ცხადია, დადებითია. მაგალითად, „არსენალისთვის“, ის ალბათ იდეალური მოთამაშე იქნებოდა, იდეალური გარემარბი, მაგრამ ამ ეტაპზე ეს მართლაც ძალიან რთული ტრანსფერი იქნება. 

"მაინც ვფიქრობ, რომ „არსენალი“ ამ ზაფხულს გარემარბს დაიმატებს, მაგრამ ხვიჩა კვარაცხელიას დამატება ძალიან რთული იქნება“, - აღნიშნა რომანომ.

ცნობისთვის, კვარაცხელია, რომელიც პსჟ-ში 2025 წლის იანვარში შეუერთდა, ამჟამად ფრანგულ გუნდთან კონტრაქტით 2029 წლის ივნისამდეა დაკავშირებული.