"პატარა შენიშვნა განსაკუთრებული მეგობრებისთვის, ქართველებისთვის..." - ჟალგირისის ოფიციალური წერილი

ჟალგირისის ოფიციალური გვერდი საქართველოს შესახებ ოფიციალურ წერილს ავრცელებს.

ისინი დინამო თბილისთან მატჩს იხსენებენ, სადაც ლიეტუველ და ქართველ ფანებს შორის კარგი ურთიერთობა ჩამოყალიბდა:

როდესაც თითქმის ორი თვის წინ „GO Žalgiris Vilnius“ შეიქმნა, ვერასდროს წარმოვიდგენდით, რომ ჩვენი ერთ-ერთი პოსტი თითქმის ცხრაას მოწონებას და ასამდე კომენტარს მიუახლოვდებოდა.

ეს კონკრეტული პოსტი, რომლის ნახვაც გვერდის ზედა ნაწილში, „რჩეულ (მიმაგრებულ)“ განყოფილებაშია შესაძლებელი, პატივს მიაგებდა პატივისცემის იმ განსაკუთრებულ გამოვლინებას, რაც თბილისში, მიხეილ მესხის სტადიონზე შედგა საფეხბურთო კლუბ „დინამო თბილისის“ (ელიტა - დინამო თბილისი) და „ჟალგირის ვილნიუსის“ (Pietų-IV Ultras) ქომაგებს შორის, უეფას კონფერენს ლიგის საკვალიფიკაციო ეტაპის მეორე რაუნდის პირველი მატჩის დროს.

მას შემდეგ, ჩვენმა გვერდმა — „GO Žalgiris Vilnius“ — იხილა ქართველების დიდძალი ნაკადი (რომელთაგან განსაკუთრებით ბევრი „დინამო თბილისის“ გულშემატკივარია), რომლებიც აქტიურად ინტერესდებიან ჩვენი პოსტებით და მუდმივად მხარს უჭერენ ჩვენს გვერდს.

გასული კვირის განმავლობაში ეს უნიკალური კავშირი „GO Žalgiris Vilnius“-სა და ქართველებს შორის იმდენად გაღრმავდა, რომ ახლა უკვე ოფიციალურად შეგვიძლია განვაცხადოთ: ჩვენ გვყავს ქართული საზოგადოება, რადგან ჩვენი გამომწერების თითქმის 35% ქართველია, განსაკუთრებით კი ისინი, ვინც ულამაზეს დედაქალაქ თბილისში ცხოვრობენ.

და ბოლო შენიშვნა ჩვენგან — პირდაპირ ჩვენს ძვირფას ქართველ მეგობრებს:

„ფეხბურთი არაფერია გულშემატკივრების გარეშე — ჩვენი ახლადშექმნილი ქართული თემი ამ ფრაზას განასახიერებს, ამიტომ დიდ მადლობას გიხდით.

მოდით, ერთად ვისწრაფოთ, გავაგრძელოთ ეს უნიკალური მეგობრობა, რომელსაც საერთო ისტორია, საერთო ღირებულებები და ლამაზი თამაშის სიყვარული გვაძლევს!“