"ახალს ვერაფერს გეტყვით, ის საუკეთესო იყო" - სანიოლის პრესკონფერენცია ფარერებთან მატჩის შემდეგ

"პირველი ტაიმით კმაყოფილი ვარ, მათ ყველაფერი შეასრულეს, მაგრამ მეტი ვერ გავიტანეთ. მეორე ტაიმში მეტი ემოცია და ნაკლები მონდომება იყო. აღსანიშნავია, რომ ეს გუნდი ერთად პირველად თამაშობდა. 

სექტემბრის თამაშებზე ახლა ბევრს ვერაფერს ვიტყვი. ლოჩოშვილმა სომხეთთან ცენტრალურ მცველად კარგად ითამაშა, მაგრამ ის კარგი ფლანგელია, შესაძლოა, არა იმდენად, როგორც ცენტრში, ამიტომაც მარცხნივ გამოვიყენეთ. მიმაჩნია, რომ ლობჟანიძე მარცნივ უკეთესია და დღეს მოედანზე საუკეთესო იყო. ბოლო დროს ცოტას თამაშობდა და ეს შეხვედრა მომავალში გამოადგება. ნიკა გაგნიძეს შეუძლია, ბევრი ირბინოს, ფიზიკურად ძლიერია, მეტად უნდა იბრძოლოს, კლუბში თამაშს მოუმატოს და მომავალში აუცილებლად გამოგვადგება. 

ამ ფეხბურთელებს აქამდე ერთად არ უთამაშიათ და ეს მის თამაშზეც აისახა. ზოგიერთმა თავი კარგად წარმოაჩინა და სექტემბერში ნაკრებში გამოძახებას უნდა ელოდონ. ზოგიერთს ნაკლებად გამოუვიდა, მაგრამ ახალი შანსი 3 დღეში ექნებათ".