თურქები აბობოქრდნენ - რა თქვა დემირალმა საქართველოს ნაკრებთან დაპირისპირებაზე

თურქეთის ეროვნული ნაკრებისა და "ალ-აჰლის" ცენტრალურმა მცველმა, მერიჰ დემირალმა ერთ-ერთ თურქულს გამოცემასთან ინტერვიუ ჩაწერა.

მან მომავალი მსოფლიო ჩემპიონატის საკვალიფიკაციო ეტაპზე ისაუბრა და საქართველოსთან დაპირისპირებას გაავლო ხაზი:

"მსოფლიოს შესარჩევ ციკლში რთული მატჩები გველის. ყველაზე დიდი მნიშვნელობა კი პირველ ორ შეხვედრას ექნება - სტუმრად საქართველოსთან და შინ ესპანეთთან. ჩვენი ბედი სწორედ ამ ორ დაპირისპირებაში გადაწყდება. კარგად უნდა მოვემზადოთ, რომ მისაღებ შედეგს მივაღწიოთ. 

ესპანეთი ფავორიტია, მათ უძლიერესი ნაკრები ჰყავთ. რა თქმა უნდა, გვერჩივნა ჩვენს ჯგუფში ნიდერლანდები მოხვედრილიყო, მაგრამ შევეცდებით ესპანელებს ჩვენი კარგი თამაშით ვუპასუხოთ. ასევე უმატებს და პროგრესი აქვს საქართველოსაც. წინ საინტერესო მატჩები გველის“.

შეგახსენებთ, რომ თურქეთისა და საქართველოს პირველი მატჩი 4 სექტემბერს "დინამო არენაზე" გაიმართება.