"წნეხის ქვეშ ვიყავი და დიდი ზეწოლა იყო" - რა მომენტი გაიხსენა გიორგი ლორიამ სანაკრებო კარიერიდან

სანაკრებო კარიერის დასრულების შემდეგ, გიორგი ლორიამ მედიასთან ემოციური განცხადება გააკეთა.

"2008 წელს, როდესაც პირველად მომიწია ეროვნულ ნაკრებში მისვლა, სამწუხაროდ, ასეთი გარემო არ იყო. მაშინ უფრო მეტი სიჩუმე იყო. ამ ყველაფრის გათვალისწინებით, იმდენად დიდი წნეხის ქვეშ ვიყავი და იმდენად დიდი ზეწოლა იყო, არც პირველი წუთები მახსოვს, არც პირველი ვარჯიში. 

"პირველად, როდესაც ჰიმნის შესრულება მომიწია, ეს უბრალოდ ამხანაგური მატჩი კი არ იყო, სტატისტიკაში ჩასაწერი, შედარება რომ გავაკეთო, თითქოს მსოფლიო ჩემპიონატზე მქონდა დებიუტი. 

ეს იყო ყველაფერზე მეტი, რაც შეიძლება ფეხბურთელს ჰქონდეს - ეროვნული ნაკრების მაისურის ტარებაზე დიდი პატივი ქართველი ფეხბურთელისთვის არაფერია", - თქვა ლორიამ.