4 ფეხბურთელი, რომელიც შეიძლება თურქეთთან საქართველოს ნაკრებში ვიხილოთ

როგორც მოგეხსენებათ, 4 სექტემბერს საქართველოს ნაკრები მსოფლიო ჩემპიონატის საკავლიფიკაციო ეტაპზე თურქეთს დაუპირისპირდება.

სექტემბერის შეკრებაზე შესაძლოა ვილი სანიოლმა ეროვნულ ნაკრებში რამდენიმე ახალწვეული გამოიძახოს.

1. ნოდარ ლომინაძე - 21-წლამდელთა ნაკრების ერთ-ერთი ყველაზე გამორჩეული წევრი. მანდ რამაზ სვანაძესთან ერთად ზედიზედ მეორე ევროპის ჩემპიონატი ითამაშა და თავი კარგად წარმოაჩინა. ჯერ-ჯერობით 23 წლის ნახევარცმველს ეროვნულ გუნდში დებიუტი არ ჰქონია, თუმცა მოსალოდნელია, რომ მას ფრანგი სპეციალისტი სწორედ ახლა იხმობს. უნდა აღინიშნოს, რომ ლომინაძე ახლახანს გადავიდა პორტუგლიურ ესტორილში.

2. გიორგი მოისწრაფიშვილი - ერთ დროს მას ძალიან დიდ მომავალს უწინასწარმეტყველებდნენ, თუმცა საქმე ისე არ წავიდა, როგორც გვსურდა. 23 წლის შემტევი ახლახანს ფოთის კოლხეთიდან შეუართდა სლოვაკურ სპარტაკ ტრნავას. მას საქართველოს 21-წლამდე ნაკრებში არაერთი მატჩი აქვს ჩატარებული, სადაც ასევე ერთერთი გამორჩეული მოთამაშე იყო. შესაძლოა, რომ სანიოლმა მოისწრაფიშვილი მოტივაციის მიცემის მიზნით ეროვნულ გუნდში პირველად გამოიძახოს.

3. ლაშა ოდიშარია - ასევე 21-წლამდე ნაკრების ერთ-ერთი გამორჩეული ფეხბურთელი. ის მარჯვენა ფლანგიდან მოწინააღმდეგე გუნდს მუდამ საფრთხეს უქმნიდა და საკმაოდ აქტიური იყო. 22 წლის შემტევი ამჟამად ლატვიურ RFS-ში თამაშობს, სადაც ასევე ერთ-ერთ ყველაზე იმედისმომცემ ფეხბურთელად ითვლება. ჯერ-ჯერობით ეროვნულ გუნდში დებიუტი მასაც არ ჰქონია, თუმცა შანსი დიდია, რომ სანიოლმა მას თურქეთთან და ბულგარეთთან სათამაშოდ უხმოს.

4. ლუკა ხარატიშვილი - გიორგი ლორიას წასვლის შემდეგ გიორგი მამარდაშვილსა და ლუკა გუგეშაშვილს მესამე კონკურენტიც სჭირდებათ. დიდი ალბათობით სანიოლი 21-წლამდე ნაკრების მეკარეს, ხარატიშვილს ეროვნულ გუნდში დააწინაურებს. ლუკამ თავი არართხელ გამოიჩინა და მისი დიდი წვლილია იმაშ, რომ საქართველოს 21-წლამდელთა გუნდმა ევროპის ჩემპიონატზე ითამაშა.