დიდი მატჩი ახლოვდება - როგორი სტატისტიკა აქვთ საქართველოსა და თურქეთს ურთიერთშეხვედრებში

4 სექტემბერს საქართველოს ნაკრები 2026 წლის მსოფლიო ჩემპიონატის შესარჩევ ეტაპს დაიწყებს.

ჩვენი გუნდი პირველ მატჩში ბორის პაიჭაძის სახელობის ეროვნულ მოედანზე თურქეთის წინააღმდეგ გამართავს.

მატჩზე დასასწრები ყველა ბილეთი 3 საათსა და 30 წუთში სრულიად გაიყიდა.

რა უნდა ვიცოდეთ მატჩის შესახებ:

ბოლო დაპირისპირება ამ გუნდებს შორის ევრო 2024-ზე შედგა, სადაც საქართველოს ძალიან არ გაუმართლა და საბოლოოდ ანგარიშით 3:1 დამარცხდა.

გუნდებს შორის ჯამში 5 შეხვედრაა გამართული. აქედან ერთი ჯვაროსნების გამარჯვებით დასრულდა, ერთი ფრედ დასრულდა, სამში კი თურქებმა იმარჯვეს.

საქართველოს თურქეთთან 6 გოლი აქვს გატანილი და 12 მიღებული.

ბუქმეიქერები ფავორიტად თურქებს ასახელებენ, თუმცა საქართველომ უკვე არაერთხელ მოახერხა, რომ საკუთრი შესაძლებლობები საქვეყნოდ დაამტკიცოს.