საქართველოს ნაკრებმა არასრული შემადგენლობით ივარჯიშა - ვილი სანიოლმა ფეხბურთელების ნაწილი დაასვენა

თურქეთთან გამართული მატჩის შემდეგ, საქართველოს ნაკრებმა ბულგარეთისთვის დაიწყო მზადება.

7 სექტემბრეს 17:00 საათზე ჩვენი გუნდი დინამო არენაზე ბულგარელეთს უმასპინძლებს.

როგორც ეროვნული ნაკრების მიერ გავრცელებულ ფოტო-ვიდეო მასალებში ჩანს, დღეს, 5 სექტემბერს, ვილი სანიოლმა ის ფეხბურთელები დაასვენა, რომლებიც თურქეთთან სასტარტო შემადგენლობაში იყვნენ.

რა თქმა უნდა, საქმე არანაირ ტრავმასთან არ გვაქვს.

სამწვრთნელო შტაბის ეს გადაწყვეტილება ფეხბურთელების დასვენებას უკავშირდება, რათა ისინი ბულგარეთთან მატჩს მზად შეხვდნენ.