"თურქეთთან მატჩში ტაქტიკა არ ჩაშლილა" - სანიოლის პრესკონფერენცია ბულგარეთთან მატჩის წინა დღეს

როგორც მოგეხსენებათ, 7 სექტემბრეს, საქართველოს ნაკრები დინამო არენაზე ბულგარეთს უმასპინძლებს.

მატჩის წინა დღეს გუნდებმა პრესკონფერენციები გამართეს.

გთავაზობთ ვილი სანიოლის კომენტარს:

"ახლაც არ ვიცი წითელი რატომ მივიღე. ჩემი ბრალი იყო, ცოტა ტავზე კონტროლი დავკარგე, რადგან დაძაბული ვითარება იყო. ცუდია, რომ ადამიანს თავის ახსნის უფლება არ ეძლევა.

რატომ არ გამოვიყენე 5-ვე ცვლილება? როცა 2 გოლი გავიტანეთ, მოედანზე მყოფ ფეხბურთელებს კარგი მომენტი ეჭირათ. სწორედ ამიტომაც არ ჩავთვალე ცვლილებები საჭიროდ.

რატომ ვთამაშობთ 4 მცველით? ბოლო პერიოდში ბევრი შეიცვალა. ბოლო ერთა ლიგაზე ვნახეთ, რომ 3 მცველიანი ტაქტიკა აღარ მუშაობდა. უკრაინასთან ბევრი პრობლემა გვქონდა. ამიტომაც გადავწყვიტე, რომ ცვლილება იყო საჭირო. ამასთან ერთად თაობა იცვლება, ახალგაზრდები მოდიან და მოდიან. ვფიქრობ ახალი პროექტი გუნდის განვითარებისთვის კარგია.

თურქეთთან მატჩში ტაქტიკა არ ჩაშლილა. გოლები შეცდომების გამო გავუშვით. მომავალ წლებში ეს კიდე უფრო დაიხვეწება.

ბულგარეთთან რთული თამაში მოგვიწევს. სასტარტოში ცვლილებები იქნება, არა რადიკალური, თუმცა მაიცნ იქნება. გათვლა იქნება ის, რომ თამაში მეტი ორგანიზებით დავიწყოთ და დავასრულოთ.

კარგია, რომ უფასოდ შემეძლება თამაშის ყურება, ამისთვის მადლობა მსაჯებს. თამაშამდე მოთამაშეებისთვის უფრო ზუსტი დარიგების მიცემა მომიწევს.

ბულგარეთის ნაკრებზე ბევრს ვერაფერს ვიტყვი. მათ ბოლო რამდენიმე თამაშსს ვუყურე და ვნახე, რომ ისინი ბევრად დალაგებული და ტაქტიკური გუდნია, ვიდრე მაშნ იყო, როცა ჩვენ ვეთამაშეთ.