"ყველაფერს გავაკეთებთ იმისთვის, რომ ბულგარეთთან იგივე აღარ განმეორდეს" - ზურიკო დავითაშვილის პრესკონფერენცია ბულგარეთთან მატჩის წინა დღეს

როგორც მოგეხსენებათ, 7 სექტემბრეს, საქართველოს ნაკრები დინამო არენაზე ბულგარეთს უმასპინძლებს.

მატჩის წინა დღეს გუნდებმა პრესკონფერენციები გამართეს.

გთავაზობთ ზურიკო დავითაშცილის კომენტარს:

"რთულია, რომ ასეთ მოკლე ხანში ძალები 100%-ით აღიდგინო, მაგრამ მე მზად ვარ და ვფიქრობ, ბიჭებიც მზად არიან, რომ კარგი თამაში ვაჩვენოთ.

თამაშის შემდეგ ერთმანეთში ვისაუბრეთ და გავაანალიზეთ შეცდომები. თამაში ცუდად დავიწყეთ, მაგრამ შემდეგ ვიპოვეთ ძალები, რომ თამაშში დავბრუნებულიყავით.

ყველაფერს გავაკეთებთ იმისთვის, რომ ბულგარეთთან იგივე აღარ განმეორდეს".